अस्ट्रेलियामा एक नेपाली युवती माथि छुरा प्रहार

अस्ट्रेलियामा एक नेपाली युवती माथि छुरा प्रहार भएको छ । क्विन्सल्यान्ड राज्यको व्रिजबेनमा  अध्ययनरत धरानकी २० वर्षीया नेपाली युवतीमाथि छुरा प्रहार भएको छ हो । 

स्थानीय भाइव कलेजमा आइटीमा डिप्लोमा पढिरहेकी ती युवतीमाथि शुक्रबार राति अज्ञात व्यक्तिले छुरा प्रहार गरेका हुन् ।

छुरा प्रहारबाट उनको कम्मरमुनिको भागमा गहिरो चोट लागेको थियो ।

प्रहरीको सहयोगमा उनलाई रोयल व्रिजवेन महिला अस्पतालमा उपचारका लागि लगिएको थियो। उनलाई सात टाका लगाइएको र खतरामुक्त अवस्था भएपछि अस्पतालले शनिबार बिहान घर पठाएको छ।

घाइते युवती खतरामुक्त रहे पनि मानसिक रूपमा निकै समस्यामा परेकी उनकी एक सहपाठीले जानकारी दिइन्।

उनी डेढ वर्ष अघि अस्ट्रेलिया आएकी थिइन्।