घुस लिएको आरोपमा सब-इन्जिनियर पक्राउ 

६ हजार रुपैयाँ घुस लिएको आरोपमा राष्ट्रिय पुनर्निर्माण प्राधिकरणको भोजपुर शाखामा कार्यरत  सब-इन्जिनियर पक्राउ परेका छन् ।

भूकम्पपीडितको पूनर्निमित घरको निर्माण सम्पन्न रिपोर्ट बनाइदिए बापत सेवाग्राहीसँग ६ हजार रुपैयाँ घुस लिएको आरोपमा अख्तियार दुरुपयोग अनुसन्‍धान आयोग इटहरीको टोलीले प्रकाश तिवारीलाई पक्राउ गरेको हो ।

तिवारीलाई भोजपुर नगरपालिका ७ स्थित प्रधान होटलबाट रकमसहित नियन्त्रणमा लिईएको जनाएको छ । उनीमाथि थप अनुसन्धान सुरु गरिएको अख्तियारका प्रवक्ता प्रदीपकुमार कोइरालाले जनाएको छ ।