मकवानपुरको दामन रिसोर्टमा मृत्यु भएका आठै जना भारतीयको आफन्तले बुझे शव
मकवानपुरको एभरेष्ट पानारोमा रिसोर्टमा मृत्यु भएका आठै जना भारतीय नागरिकको शव आफन्तले बुझेका छन्। नेपालस्थित भारतीय दूतावासको सहकार्यमा मृतकहरूको शव आफन्तलाई बुझाइएको हो ।
मृतकमध्ये पाँच जनाको शव लिएर बिहिबार बिहान आफन्त भारत उडेको महानगरीय प्रहरी वृत्त महाराजगञ्जका प्रहरी नायब उपरीक्षक उमेश लम्सालले जनाएको छ । अन्य तीन जनाको शव लिएर आफन्त जाने तयारीमा रहेको प्रहरीले जनाएको छ ।
गत सोमबार थाहा नगरपालिका-४ सिमभञ्ज्याङ स्थित रिसोर्टमा बसेका भारतीय पर्यटक मंगलबार बिहान अचेत अवस्थामा भेटिएका उनीहरुलाई मृत घोषण गरिएको थियो । मृतकहरू भारत केरलाका हुन्।
मृत्यु हुनेमा ३८ वर्षीय रन्जित कप, ३४ वर्षीया इन्द्र, ३७ वर्षीय प्रवीण, ३२ वर्षीया सरिया, ५ वर्षीय अभि, ७ वर्षीया अर्चना, ५ वर्षीय वैशनव र ९ वर्षीया बन्द्रा रहेका थिए ।
मृतकहरूको शव पोस्टमार्टमका लागि त्रिवि शिक्षण अस्पतालमा राखिएको थियो।