पेस्तोल सहित विप्लबका कार्यकर्ता पक्राउ 

पेस्तोल सहित विप्लबका कार्यकर्तालाई प्रहरीले पक्राउ गरेको छ ।  संखुवासभाको सभापोखरी गाउँपालिका ३ बाट पेस्तोल सहित मादी नगरपालिका ५ का सोमबहादुर तामाङलाई पक्राउ गरेको हो ।

स्थानिय देउमान राईको गोठबाट तामाङलाई  पक्राउ गरिएको जिल्ला प्रहरी कार्यालयले जनाएको छ । 

प्रेसर कुकर बम एकथान, सकेट बम एकथान, सुतलीबम एकथान, डेटोनेटर सहित विस्फोटक पदार्थ बनाउन प्रयोग गरिने तारहरु तामाङको साथमा फेला परेको प्रहरीले जनाएको छ ।

त्यस्तै सेनाको डिस्पोजल टोलीले त्यहाँ रहेका विस्फोटक पदार्थहरु डिस्पोज गरेका छन्  । सदरमुकामबाट एकदिनको पैदल यात्राको दुरीमा घटनास्थल रहको छ । तामाङलाई प्रहरीले सदरमुकाम ल्याउँदै गरेको प्रहरीले जनाएको छ ।