नियन्त्रित लागुऔषध सहित चारजना पक्राउ

नियन्त्रित लागूऔषध सहिे चार जनालाई प्रहरीले पक्राउ गरेको छ ।  मोरङको रतुवामाई नगरपालिका–१, आमवारी–बरडंगास्थित बोडर आउट पोस्ट चुनिमारीबाट नियन्त्रित लागूऔषध नाइट्राजेपाम १ सय ३५ ट्याबलेट सहित दुईजनालाई सोमबार दिउँसो प्रहरीले पक्राउ गरेको हो।

प्रहरीले मोरङको उर्लाबारी नगरपालिका–२, मंगलबारे बस्ने २९ वर्षीय जिवन थापा र सोही स्थान बस्ने २३ वर्षीय रुपेश खड्कालाई प्रहरीले पक्राउ गरेको हो । 

इलाका प्रहरी कार्यालय सिजुवाबाट खटिएको प्रहरीले मे ४ प ७७९२ नम्बरको मोटरसाइकलमा सवार उनीहरूलाई जाँच गर्ने क्रममा लागूऔषधसहित पक्राउ गरेको हो।

त्यस्तै, म्याग्दीको बेनी नगरपालिका–७ मंगलाघाट बस्ने २५ वर्षीय मनोज खत्री र उनकै भाई २२ वर्षीय आशिष खत्रीलाई नियन्त्रित लागूऔषध डाईजेपाम १ सय ४ एम्पुल, फेनारागन १ सय ४ एम्पुल र नोर्फिन १ सय ६ एम्पुल सहित सोमबार बेलुका प्रहरीले पक्राउ गरेको छ ।

उनीहरूले आफ्नै घरमा लागूऔषध बिक्री वितरण गरेको सुचनाको आधारमा जिल्ला प्रहरी कार्यालय म्याग्दीबाट खटिएको प्रहरीले खानतलासी गर्दा लागूऔषध फेला पारी पक्राउ गरिएको हो । 
यस सम्बन्धमा थप अनुसन्धान भईरहेको प्रहरीले जनाएको छ ।