डा.श्रीकृष्ण गिरीले गरे मानहानीको मुद्दा दायर, प्रसाईंलाई पक्राउ गर्न अदालतको अनुमति

चिकित्सा शिक्षा आयोगका उपाध्यक्ष डा. श्रीकृष्ण गिरीले मानहानीको मुद्दा दायर गरेपछि बीएण्डसी अस्पतालका सञ्चालक दूर्गा प्रसाईंलाई पक्राउ गर्न अदालतले अनुमति दिएको छ ।

सञ्चालक प्रसाईंले पत्रकार सम्मेलन गरी  डा. गिरीले २० करोड रुपैयाँ घुस मागेको आरोप लगाएका थिए ।
प्रसाईंले सार्वजनिक रुपमा आरोप लगाएपछि डा.गिरीले जिल्ला अदालत भक्तपुरमा मानहानी र गालीबेइज्जतीको मुद्दा दायर गरेका थिए । मुद्दाको कारवाही प्रक्रिया अगाडि बढाउँदै अदालतले प्रसाईंको नाममा पक्राउ पूर्जी जारी गरेको प्रहरी स्रोतले जनाएको छ ।

आफूले सञ्चालन गरेको मेडिकल कलेजको अनुमति प्रक्रियाका क्रममा डा. गिरीले घुस मागेको आरोप प्रसाईंले लगाएका थिए ।