एसपी मल्लले सरुवा भएको दरबन्दीका लागि  लिए रवाना

जिल्ला प्रहरी कार्यालय चितवनका एसपी दानबहादुर मल्लले सरुवा भएको दरबन्दीका लागि रवाना लिएका छन् । एसपी मल्ले चार्ज बुझाएर सरुवा भएको दरबन्दीका लागि रवाना लिएका हुन् ।

एसपी मल्लले जिल्ला प्रहरी कार्यालय चितवनका डिएसपीलाई चार्ज बुझाएर रवाना लिएको ३ नम्बर प्रदेश प्रहरी कार्यालयले जनाएको छ। एसपी मल्ल आजै चितवनबाट काठमाडौं आउँदै छन् । 

एसपी मल्ललाई प्रहरी प्रधान कार्यालयले गत पुस ४ गते त्रिभुवन अन्तर्राष्ट्रिय विमानस्थल सुरक्षा कार्यालयमा सरुवा गरेको थियो ।

जिल्लाबाट सरुवा भएको झन्डै दुई हप्तासम्म जिल्ला नछोडेपछि ३ नम्बर प्रदेश प्रहरी कार्यालय हेटौंडाले मल्लका नाममा बुधबार राति ११ बजे जिल्ला छोड्न १२ घण्टे निर्देशन दिएको थियो। 

सरुवा भएको दुई हप्तासम्म पनि जिल्ला नछाडेपछि मल्लको चर्को आलोचना भएको थियो। मल्लको स्थानमा प्रहरी प्रधान कार्यालयले एसपी गंगा पन्तलाई सरूवा गरेको छ।