महराको निवेदन माथी उच्च अदालत पाटनमा आज सुनुवाइ

पूर्वसभामुख कृष्णबहादुर महरालाई पुर्पक्षका लागि थुनामा पठाउने जिल्ला अदालत, काठमाडौंको आदेशविरुद्धको निवेदनमाथी उच्च अदालत, पाटनमा आज बिहीबार सुनुवाइ हुँदैछ ।

महराको निवेदनमाथि मुख्य न्यायाधीश नहकुल सुवेदी र न्यायाधीश टेकनारायण कुँवरको संयुक्त इजलासमा सुनुवाइ हुने भएको हो ।

गत कात्तिक १८ गते जिल्ला अदालत, काठमाडौंका न्यायाधीश सुदर्शनराज पाण्डेको इजलासले महरालाई पुर्पक्षका लागि थुनामा पठाउने आदेश दिएको थियो भने मंसिर ५ गते महराले उच्च अदालतमा निवेदन दर्ता गराएका थिए । फौजदारी कार्य्विधि संहिता–२०७४ को व्यवस्था अनुसार महराले निवेदन दिएका थिए ।

उता पीडित भनिएकी महिला कर्मचारीसँग अदालतले बयान लिदा आफूमाथि करणी नभएको दाबी गरेकी छन् ।