धादिङमा बालेरो जिप दुर्घटना १२ जना घाईते 

धादिङको सुनखानीमा बोलेरो जिप दुर्घटना हुँदा १२ यात्रु घाईते भएका छन् । धादिङ ज्वालामुखी गाउँपालिका वडा नं ४ सुनखानीमा बा २० च ७२५६ नम्बरको बोलेरो जिप ब्रेक फेल भई दुर्घटना भएको हो । 

धादिङबेसीबाट ढोलातर्फ जाँदै गरेको बोलेरो दुर्घटना भएको जिल्ला प्रहरी कार्यालय धादिङले जनाएको छ । घाईते मध्ये ३ जनाको अवस्था गम्भीर रहेको र तिनै जनालाइ थप उपचारकालागि काठमाडौं पठाउने तयारी भइरहेको प्रहरीले बताएको छ ।

दुर्घटनामा परी घाईते हुनेहरुमा योगेश अर्याल, राधिका अर्याल, भारत घर भएका नहिन, सुमन श्रेष्ठ, निक बहादुर बस्नेत, अम्दिन अन्सारी, भोज बहादुर अर्याल, कृष्ण माया अर्याल, राम बहादुर अर्याल, दिपक श्रेष्ठ, मेथुन रम्तेल र सरोज अर्याल रहेका छन् ।

घाइतेहरुको जिल्ला अस्पताल धादिङ उपचार भइरहेको छ ।