१ सय २२ किलो गाँजा घरबाटै बरामद, १ जना पक्राऊ

जिल्ला प्रहरी कार्यालय मकवानपुरले घरमा लुबकाएर राखिएको लागू औषध गाँजा सहित १ जनालाई पक्राऊ गरी आज सार्वजनिक गरेको छ । जिल्ला प्रहरी कार्यालय मकवानपुर र प्रदेश ३ प्रहरी कार्यालयबाट प्रहरी निरीक्षक पवनकुमार झाको संयुक्त टोलीले राक्सिराङ्ग गाऊँपालिका वडा नम्बर १ का प्रकाश मोक्तानलाई लागूऔषध गाँजासहित पक्राऊ गरेको हो । जिल्ला प्रहरी कार्यालय मकवानपुरका अनुसार प्रहरीलाई आएको विशेष सूचनाको आधारमा गत कार्तिक १ गते मोक्तानको घरमा चेकजाँच गर्दा ६ वटा सेतो बोरामा लुकाएर राखिएको लागूऔषध गाँजा १ सय २२ किलो १ सय ग्राम भेटिएको आज हेटौंडामा गरिएको पत्रकार सम्मेलनमा बताएको छ । 
पक्राऊ परेका मोक्तान उपर लागूऔषध नियन्त्रण ऐन २०३३ बमोजिम २ देखि १० बर्षसम्मको कैद सजाय र १५ देखि १ लाख रुपैयासम्म जरिवाना हुने जिल्ला प्रहरी प्रमुख प्रहरी उपरीक्षक मुकेशकुमार सिंहले बताएका छन् ।