विश्व श्रवण दिवसको अवसरमा पाटनमा शरद श्रेष्ठलगायत चार संगीतकर्मीले प्रस्तुती दिँ

विश्व श्रवण दिवसको अवसरमा पाटनमा चारजना संगीतकर्मीले आफ्नो प्रस्तुतीमार्फत् बहिरोपन र सुस्त श्रवणबारे जागरुकता फैलाउनेछन् ।

सारङ्गीवादक बर्ता गन्धर्व, टम्बलविड इङ्कका गितारिस्त तथा श्री ३ ब्यान्डका गायक–गितारिस्ट शरद श्रेष्ठ, एएसएम ब्यान्डका गायक अभषेक शंकर मिश्रा र गायिका लज्जु श्रेष्ठले सांगीतिक प्रस्तुती दिन लागेका हुन् ।

यस दिन बर्ता गन्धर्वको स्वरमा बहिरोपनसम्बन्धि ‘थीम सङ्ग’ पनि सार्वजनिक हुने जसलाई प्रत्येक एफएम रेडियोमा प्रशारण गरिने पनि डा. मिलनले जानकारी दिइन् ।

अब यस्ता विषयमा कुरा गर्ने समय आइसकेको शरद श्रेष्ठ बताउँछन् । उनले भने, ‘हामी त संगीतकर्मी, हामी ‘लाउड म्युजिक’ बजाउँछौं, हामीलाई पनि कानको समस्या त आइराख्छ नि । कति साधारण कुरा पनि हामीले बेवास्ता गरिरहेका हुन्छौँ, थाहै नभएर । त्यसैले यस्ता कार्यक्रमहरु गर्दा संगीतकर्मीका साथै दर्शकलाई पनि जागरुक बनाउने उद्देश्य लिएका छौं । यस्तो कुराहरु चाहिँ निकै आवश्यक भइसक्यो जस्तो लाग्छ ।’

कार्यक्रम पाटन दरबार स्क्वायरको कार्तिक डबलीमा दिउँसो चार बजेदेखि सुरु हुनेछ ।

Source:ratopati.com