चलचित्र पत्रकार संघको २४ औं बर्ष पूरा

मकवानपुर । चलचित्र पत्रकार संघले आफ्नो स्थापनाको २४ औं बर्ष पूरा गरेको छ । स्थापना दिवसको अवसरमा संघको मकवानपुर शाखाले चलचित्र पत्रकारिता तथा मनोरञ्जनका क्षेत्रमा कृयाशील ३ जनालाई सम्मान तथा पुरस्कृत गरेको छ । मकवानपुर शाखाले आज आफ्नो स्थापना दिवसको अवसरमा चलचित्र तथा मनोरञ्जनको क्षेत्रमा कलम चलाउने पत्रकार राजन घिमिरेलाई नगद १० हजारसहित राष्ट्रिय चलचित्र पत्रकारिता पुरस्कार–२०८०, पोष्टराज अधिकारी कुमारलाई नगद ५ हजारसहित चलचित्र पत्रकारिता पुरस्कार–२०८० द्वारा पुरस्कृत गरिएको थियो ।

त्यसै गरी स्थापना दिवसको अवसरमा मकवानपुरे कलाकार सुलेमान शंकर ईकुलाई कलाको माध्यमबाट समाजलाई पुर्याएको योगदानको कदर गर्दै चलचित्र कलाकर्मी सम्मान–२०८० प्रदान गरिएको थियो । संघको जिल्ला अध्यक्ष कपिल खड्काको सभाध्यक्षतामा भएको कार्यक्रममा हेटौंडा उपमहानगरका उपप्रमुख रोजेश बानियाँ, वडा नम्बर २ का वडा अध्यक्ष विष्णुगोपाल महर्जन, वडा नम्बर ४ का ४ का वडा अध्यक्ष नविन सिग्देल, नेपाल पत्रकार महासंघ बागमती प्रदेशका उपाध्यक्ष रुपेश दुलाल, महासंघका मकवानपुर जिल्ला अध्यक्ष मणीराज गौतम लगायत विभिन्न संचारमाध्यममा कार्यररत पत्रकारहरुको उपस्थिति रहेको थियो ।

चलचित्र पत्रकार संघले आफ्ना शाखाहरुमा स्थापना दिवस विभिन्न कार्यक्रमहरु गरी मनाएको छ ।

तस्वीरहरुः