नेपालमा ‘ग्रीन रिभोलुसन’ हुन्छ, विचार गर्नुस्ः प्रचण्ड

फाइल फोटो

काठमाडौं । नेपाल कम्युनिस्ट पार्टी (नेकपा) प्रचण्ड–माधब समुहका अध्यक्ष पुष्पकमल दाहाल ‘प्रचण्ड’ले नेपालमा ‘ग्रीन रिभोलुसन’ हुने बताएका छन् । आज काठमाडौंको भृकुटिमण्डपमा भएको विरोध सभामा बोल्दै प्रचण्डले नेपालमा ‘ग्रिन रिभोलुशन’ हुने चेतावनि दिएका हुन् ।

प्रतिनिधिसभा विघटनविरुद्ध नेकपाको सो समुह विरोधमा उत्रिएको छ । बुधबार काठमाडौंमा आयोजित विरोधसभामा प्रचण्डले संविधान, कानुन र जनमतको अपमानले देश दुर्घटना तिर गएको भन्दै यसले ग्रीन रिभोलुसन निम्त्याउने चेतावनी दिएका हुन् ।

उनले नेपालको संविधानले प्रतिनिधिसभा विघटनको बाटो बन्द गरेको भन्दै संविधान मिचेर आफैँ ठूला कुरा गरेर हिँड्दैमा त्यसले वैधानिकता नपाउने बताए ।

प्रचण्डले संविधानलाई नै लत्याएर प्रधानमनत्री केपि ओलीले गरेको सो कदमलाई अदालतले सच्याउँने बताए । उनले अदालतले पनि सो कदमको विरुद्धमा काम नगरे त्यस पछिको अवस्था बारे सोच्न चेतावनी समेत दिए ।

उनले भने “संविधान कुल्चिएर ओलीले प्रतिनिधिसभा विघटन गरेका छन्, त्यसलाई अदालतले सच्याउँछ,” प्रचण्डले भने, “सच्याएन भने के हुन्छ सोच्नुहोला ।”

उनले प्रतिगमनको विरुद्ध जनताहरु सडकमा आएको बताए । उनले भने ‘अन्याय सहन यो जनसागर सडकमा आएको होइन, शान्तिपूर्ण विद्रोह हुन्छ, अहिले त्यसलाई ग्रीन रिभोलुसन भन्छन् क्यारे ।’