सुदूरपश्चिमका भौतिक पूर्वाधारमन्त्री बोहरा बर्खास्त

धनगढी । सुदूरपश्चिम प्रदेशका मुख्यमन्त्री त्रिलोचन भट्टले भौतिक पूर्वाधार विकासमन्त्री पठानसिंह बोहरालाई बर्खास्त गरेका छन् । मुख्यमन्त्री भट्टले संविधानको धारा (६) को उपधारा २ (ख) बमोजिम मन्त्री बोहरालाई पदबाट हटाएका हुन् ।

मुख्यमन्त्रीले भट्टले मन्त्री बोहरालाई भौतिक पूर्वाधार मन्त्रालयको जिम्मेवारी मुख्यमन्त्री भट्टले आफैँसँग राखेका छन् ।

पुष्पकमल दाहाल प्रचण्ड र माधव नेपाल पक्षका मुख्यमन्त्री भट्टले प्रधानमन्त्री केपी ओली शर्मा पक्षका मन्त्री बोहरा निकालेका हुन्।

सुदूरपश्चिम प्रदेश सभामा ५३ सदस्य छन् । त्यसमध्ये नेकपाका ३८ जना छन्।

उनीहरुमध्ये प्रचण्ड नेपाल पक्षका ३० जना छन् भने ओली पक्षका आठ जना छन्। ओली पक्ष अहिले प्रचण्ड नेपाल पक्षका सांसद तान्ने खेलमा लागेको छ।

ओली पक्षले कांग्रेस र राजपासँग मिलेर सरकार बनाउने कसरत गरिरहेको छ । कांग्रेसका १२ र राजपाका दुई सांसद छन्। सरकार बनाउन अब ओली पक्षसँग १३ सांसद चाहिन्छ।

अहिले ओली पक्षसँग आठ सांसद छन् भने पाँच सांसद आफ्नो पक्षमा ल्याउन कोसिस गरिरहेको छ।