मृत फेला परे प्रहरी नायब निरीक्षक

साङ्केतिक तस्वीर

काठमाडौं । दार्चुलामा एक प्रहरी नायब निरीक्षक (सई) मृत फेला परेका छन्। महाकाली नगरपालिका–४ बंगाबगडको एक होटलमा कैलाली टीकापुरका अन्दाजी ४० वर्षीय सई ध्रुव रावल मृत फेला परेका हुन् ।

इलाका प्रहरी कार्यालय, हुतीको लागि सरूवा भएका उनी राति होटलमा बास बसेका थिए ।

बिहान नाक र मुखबाट रगत बगेको र अचेत अवस्थामा फेला परेपछि उनलाई दार्चुला अस्पाताल लगिएको थियो । दार्चुलाका प्रमुख प्रहरी नायब उपरीक्षक पदमबहादुर बिष्टका अनुसार त्यहाँ पुग्दा डाक्टहरूले मृत घोषणा गरेको थियो ।