लोथरबाट १ सय ४ केजी गाँजासहित ३ जना प्रक्राउ

मकवानपुर । मकवानपुरको लोथरबाट १ सय ४ केजी लागुऔषध गाँजासहित ३ जनालाई प्रहरीले प्रक्राउ गरेको छ । प्रहरी चौकी सुनाचुरीको प्रहरी टोलीले सो परिमाण्को गााजा सहित उनीहरुलाई पक्राउ गरेको हो ।

प्रहरी सहायक निरीक्षक हिरालाल श्रेष्ठको कमाण्डमा खटिएको प्रहरी टोलीले चेकजाँचका क्रममा मनहरी गाउँपालिक–६ लोथर खोलाको बगरबाट प्लास्टिकको बोरामा भारी बनाई बोकेर ल्याएको अवस्थामा उनीहरुलाई पक्राउ गरेको हो ।

पक्राउ पर्नेहरुमा राक्सिराङ गाउँपालिका–९ का २६ वर्षीय कपिल भन्ने रुप खड्का ठकुरी, ३० वर्षीय टलक बहादुर घलान र राक्सिराङ–४ का २७ वर्षीय मदन कोईराला रहेका छन् ।

घटनाको विषयमा थप अनुसन्धान भइरहेको प्रहरी जनाएको छ ।