पञ्चमी नुहाउँन गएकी महिलाको खोलाले बगाएर मृत्यु

कास्की । खोलाले बगाएर एक महिलाको मृत्यु भएको छ । हरितालिका तिजको पञ्चमी नुहाउँन जाँदा कास्कीको माछापुच्छ्रे गाउँपालिका– ९ मा कस्युङ खोलाले २४ वर्षीया दीपा गौतमलाई बगाएको हो ।

आइतबार बिहान खोलाले बगाएपछि स्थानीयवासीले खोजतलासका क्रममा गौतमको शव घटनास्थलबाट अन्दाजी सात सय मिटर तल नदी किनारमा फेला पारेका थिए ।
प्रहरीलाई घटनास्थलमा परिचालन गरिएको जिल्ला प्रहरी कार्यालयले जनाएको छ ।