‘द कपिल शर्मा शो’ पुनः सोनी टिभीमार्फत प्रसारण हुने

‘द कपिल शर्मा शो’ पुनः सोनी टेलिभिजनमार्फत प्रसारण हुने भएको छ। भारतीय टेलिभिजनका कमेडियन कपिल शर्माको ‘द कपिल शर्मा शो’ पुनः सोनी टेलिभिजनमार्फत प्रसारण हुने भएको हो ।

सोनी टिभीले नयाँ प्रोमो जारी गर्दै शो पुनः प्रशारणको तयारी थालीएको जनाएको छ । सोनी टिभीले लेखेको छ, ‘फर्किनेछ त्यो खुसी र ती जोक्स। हामी सुरक्षित तरिकाले नयाँ सुरुआत गर्दैछौं।’

यसअघि अर्चना पूरण सिंहले पनि शुटिङका केही भिडियो सामाजिक सञ्जालमा राखेकी थिइन्।

अर्चनाले चार महिनाअघि छोडेको स्टेजमा नयाँ जोश र नयाँ तरिकाको प्रस्तुतीका साथ पुनरागमन भएको उल्लेख गरेकी छिन् ।

अब आउने शोको पहिलो पाहुना अभिनेता सोनु सुद हुने जनाइएको छ ।