हेटौंडाबाट काठमाडौं पुग्ने दुई सडक आजबाट खुल्यो

मकवानपुर । सडक मर्मत तथा स्तरोन्नति गर्न सवारी आवागमनमा रोक लगाइएको काठमाडौंबाट मकवानपुर जाने छोटो दूरीको दुई सडक पुनःसञ्चालनमा आएको छ । काठमाडौंको थानकोट–चित्लाङ सडक (गणेशमान मार्ग) र मातातीर्थ सडक आज बिहानदेखि सञ्चालनमा आएको जिल्ला प्रहरी कार्यालय मकवानपुरले जनाएको छ ।

मकवानपुर प्रहरी कार्यालयका प्रवक्ता डिएसपी श्यामु अर्यालका अनुसार आजबाट सञ्चालनमा आएको सडक गत पौष ७ गते र पौष २२ गतेबाट बन्द भएको थियो । मकवानपुरबाट काठमाडौँ जोड्ने कुलेखानी–फाखेल सडकखण्ड र कुलेखानी–सिस्नेरी–दक्षिणकाली सडक एकतर्फी सडक सञ्चालनमा रहेको छ ।