उवासंघको निर्वाचित पदाधिकारीलाई नारायणी संघको बधाई

मकवानपुर । नारायणी यातायात व्यवसायी संघले आज उद्योग वाणिज्य संघमा नवनिर्वाचित पदाधिकारीहरुलाई स्वागत तथा बधाई कार्यक्रम आयोजना गरेको छ । संघका अध्यक्ष हिरालाल श्रेष्ठसहित नारायणी संघका पदाधिकारीहरुले उवासंघका पदाधिकारी, सदस्यहरुलाई टिका माला लगाई बधाई ज्ञापन गरेको थियो । बधाई कार्यक्रमलाई सम्बोधन गर्दै नारायणी संघका अध्यक्ष श्रेष्ठले दुवै संघ सिक्काको दुईपाटा भएको धारणा व्यक्त गरेका थिए ।

कार्यक्रममा उवासंघका अध्यक्ष प्रमोदसिंह रानाभाटले आफूहरुको उत्पादनलाई उपभोक्ताको घरदैलोमा पुर्याउने काम यातायात व्यवसायीको रहेकाले दुवै संघको औचित्य र आवश्यकतालाई आत्मसात गर्नुपर्ने बताएका थिए । अध्यक्ष रानाभाटले बढ्दो बेरोजगारलाई न्युनिकरण प्रयास आफ्नो प्राथमिकता रहेको धारणा व्यक्त गरेका थिए ।

बधाई कार्यक्रममा अध्यक्ष प्रमोदसिंह रानाभाटसहित उपाध्यक्षहरु दीपक उप्रेती, काव्यमणी अधिकारी, राजु अधिकारी, महासचिव प्रतिमा श्रेष्ठ, कोषाध्यक्ष तेजराज अधिकारी, सचिव कुलप्रसाद चौलागाईसहितका पदाधिकारी तथा सदस्यहरुको उपस्थिति रहेको थियो । बधाई कार्यक्रममा  नारायणी संघका निवर्तमान अध्यक्ष बद्री प्रसाद चौलागाई, संघका पदाधिकारी तथा सदस्यहरुको उपस्थिति रहेको थियो ।