सवारी दुर्घटनामा एकको मृत्युु, १३ घाइते

मकवानपुर/पूर्व-पश्चिम राजमार्ग अन्तर्गत मकवानपुरको मनहरीमा शनिबार दिउँसो सवारी दुर्घटना हुँदा एक जनाको मृत्युु भएको छ । घटनामा अन्य १३ जना घाइते भएका छन् ।
मकवानपुरको मनहरी ६ मा वीरगन्जबाट चितवनतर्फ जाँदै गरेको बागमती प्रदेश ०१-०२६ च ५२५० नम्बरको स्कारपियो र चितवनबाट हेटौँडातर्फ आउँदै गरेको बा १६ च ८३२४ नम्बरको कार ठोक्किएको प्रहरीले जनाएको छ । घाइते १४ जनालाई उद्धार गरी उपचारका लागि भरतपुर पठाइएकोमा एक जनाको उपचारका क्रममा मृत्युु भएको हो । मृत्यु हुनेमा कार चालक हेटौँडा ४, स्कुलरोडका ६० वर्षीय सुरेन्द्रलाल श्रेष्ठ रहेको जिल्ला प्रहरी कार्यालय मकवानपुरले जनाएको छ ।
प्रहरीका अनुसार कारमा सवार चितवन राप्ति नगरपालिका २ गड्यौली बस्ने बर्ष ५५ ओम कुमार श्रेष्ठ, ५० वर्षीय सुनिता श्रेष्ठ र २१ वर्षीय सुमिना श्रेष्ठ घाइते भएका छन् । यस्तै स्कारपियोमा सवार पर्सा वीरगन्ज महानगरपालिका २ छपकैया बस्ने २६ बर्षका पुजा देवि शाह, ८ वर्षकी प्रियान्सि शाह, २३ वर्षीया सुरदी देवि, २१ वर्षकी निशा कुमारी शाह, १५ वर्षीय ओम संकर साह, १९ वर्षीय राजीव कुमार साह, आरति कुमारी साह, ४ वर्षीया दिव्या कुमारी साह, १६ वर्षीय सरोज शर्मा र १९ वर्षकी रोशनी शर्मा घाइते भएका छन् । स्कारपियो चालक को थिए भन्ने यकिन नभएको प्रहरीले जनाएको छ ।