एमाले हेटौँडाको अध्यक्षमा कार्की निर्वाचित

मकवानपुर/नेकपा एमाले हेटौँडा उपमहानगरपलिका कमिटीको अध्यक्षमा बोल बहादुर कार्की निर्वाचित छन् । सोमबार सम्पन्न निर्वाचनमा जनरल श्रेष्ठ ‘जेन’ लाई ४३ मतले पराजित गर्दै कार्की निर्वाचित भएका हुन् । कुल खसेको ३२७ मत मध्ये कार्कीले १७६ मत प्राप्त गरे । कार्की यसअघि स्थानीय निर्वाचनमा हेटौँडा – ८ को वडाध्यक्ष पदमा उपविजेतामा सीमित भएका थिए ।

उपाध्यक्ष पदमा राजकुमार बास्तोला १४३ मतसहित विजयी भएका छन् । यस्तै सचिव पदमा १९७ मतसहित शान्ता गौतम ‘प्रदीप’ निर्वाचित भए ।  उप– सचिव पदमा शान्ता कुमार तामाङ तथा महिला उप-सचिवमा चन्द्रावती पनेरु अधिकारी विजयी भएका छन् । तामाङले ७४ र अधिकारीले १४६ मत ल्याएका थिए ।

उपमहानगर कमिटीको ८१ पदमध्ये अन्य पदमा भने सर्वसम्मत भएको थियो ।