किताबघरमा बालबालिकाको किताब वार्ता

मकवानपुर । किताबघर, हेटौंडाको आयोजनामा गत मङ्सीर २१ गते बालबालिकासँग किताबका कुराको पहिलो कार्यक्रम सम्पन्न भएको थियो । हेटौंडा –४, स्थित भैरबरोडमा रहेको किताबघरमा विभिन्न ५ विद्यालयका बालबालिकाले ‘एउटै मात्र इभान’ किताबमाथि चर्चा गरेका थिए । कार्यक्रममा हेटौंडा उपमहानगरपालिकाका दुई वटा सामुदायिक तथा तीन संस्थागत विद्यालयका विद्यार्थी सहभागी थिए । हेटौंडामा पठन संस्कृतिको विकासका लागि विभिन्न कार्यक्रम गर्दै आइरहेको किताबघरले बालबालिकालाई सहभागी गराएर पहिलो पटक किताब चर्चा गरेको हो । प्रत्येक महिनाको तेस्रो शुक्रबार यो कार्यक्रमले निरन्तरता पाउने किताबघरका प्रबन्धक छवि अनित्यले बताएका छन् ।