बालश्रम विरुद्धको दिवस मनाईयो

मकवानपुर । बिश्व बालश्रम विरुद्धको दिवस हेटौंडामा सम्पन्न भएको छ । हेटौंडास्थित बुद्ध चौकमा सरोकारवालाहरुले बालश्रम विरुद्धका प्ले कार्ड, ब्यानरसहित दीप प्रज्वलन गरिएको थियो ।

प्लान इन्टरनेशनलको आर्थिक सहायता र राडो नेपालको आयोजना तथा सामजिक बिकास मन्त्रालय, बागमती प्रदेश, प्रदेश शिक्षा निर्देशनालय , जिल्ला समन्वय समिति मकवानपुर र मानव अधिकार संरक्षण तथा मानव बेचबिखन विरुद्धको सन्जाल, मकवानपुरको समन्वयमा हेटौंडाको बुद्धचौकमा दीप प्रज्वलन गरिएको थियो ।

बालश्रम दिवसका अवसरमा हेटौंडा लगायत जिल्लाका विभिन्न बजारहरुमा बालश्रममा लगाईएका बालबालिकाहरुको उद्धार पनि गरिएको राडो नेपालका कार्यक्रम संयोजक दीपेन्द्रकुमार पाठकले बताएका छन् ।