बेलायतबाट आएका मध्ये ३ जनामा नयाँ प्रजातिको कोरोना देखियो

विज्ञप्ति

मकवानपुर । केहीदिन अघि बेलायतबाट आएका ६ जना मध्ये ३ जनामा केभिड–१९ को नयाँ प्रजातिको भाईरस संक्रमण पुष्टि भएको छ ।

स्वास्थ्य तथा जनसंख्या मन्त्रालयले आज एक विज्ञप्ति जारी गर्दै गत पौष २७ गते विश्व सस्थ्य संगठनको हङकङको प्रयोगशालामा नमूना परीक्षण गर्दा ६७ बर्षीय र ३२ बर्षीय पुरुष र २८ बर्षीया महिलामा नयाँ प्रजातिको भाईरस संक्रमण रहेको पुष्टि भएको जनाएको छ । केही दिन देखि बेलायतमा नयाँ प्रजातिको कोरोना भाईरस देखिएको छ ।

मन्त्रालयका प्रवक्ता डा. जागेश्वर गौतमद्वारा हस्ताक्षरित विज्ञप्ति मार्फत कोरोना भाईरस विरुद्धको भ्याक्सिन नेपालमा उपलब्ध नहुँदासम्म भीडभाड नगर्न, एकआपसको दूरी कायम गर्न र सरसफाईमा ध्यान दिन समेत अनुरोध गरेको छ ।