प्रहरीमा हातपात र ढुङगामुढा गरेको आरोपमा चार जना पक्राउ

काठमाडौं । प्रहरीमा हातपात र ढुङगामुढा गरेको आरोपमा चार जना पक्राउ परेका छन् । अर्घाखाँची भुमिकास्थान गाउँपालिका–८ घर भई हाल नयाँबानेश्वर बस्ने १९ वर्षीय रमेश कुमार बिक लागायत चार जनालाई प्रहरीले पक्राउ गरेको हो ।

गोकर्णेश्वर नगरपालिका–८ नारायणटार पुलमा महानगरीय प्रहरी वृत्त बौद्धबाट खटिएको प्रहरीलाई जाँच गर्ने क्रममा मादक पदार्थ सेवन गरी बा.४८ प ५६५४ र प्रदेश नम्बर–३–०२–०१५ प ६२२९ नम्बरको मोटरसाइकलमा सवार उनीहरूले प्रहरीमाथी नै हातपात र ढुङ्गा प्रहार गरी लखेटी रहेको भन्ने खवर प्राप्त हुनासाथ महानगरीय प्रहरी वृत्त वौद्धबाट खटिएको प्रहरीले उनीहरूलाई पक्राउ गरेको हो ।

यस सम्बन्धमा थप अनुसन्धान भईरहेको छ ।