तेल बोक्ने ट्यांकरमा १ सय २८ केजी गाँजा (भिडियो सहित)

मकवानपुर । जिल्ला प्रहरी कार्यालय मकवानपुरले आज करीब २ सय केजी लागूऔषध गाँजा बरामद गरेको छ । जिल्ला प्रहरी कार्यालय मकवानपुले पत्रकामर सम्मेलन मार्फत मककवानपुरको २ स्थानबाट सो परिमाणमा लागू औषध गाँजा बरामद गरेको जनाएको हो ।

प्रहरीका अनुसार इलाका प्रहरी कार्यालय, पशुपतिनगरका प्रहरी निरीक्षक देवराज काफ्लेको प्रहरी टोलीले रातोमाटे चेकपोष्टमा विहान ५ बजेतिर सवारी चेकिङको क्रममा हेटौंडाबाट बीरगञ्जतर्फ जाँदै गरेको ना. ६ ख ६९७४ नम्बरको तेल ट्यांकरको चेम्बरभित्र लागूऔषध गाँजा १ सय २८ केजी फेला पारेपछि ट्यांकर चालक जीतपुरसिमरा उपमहानगरपालिका वडा नम्बर २३ का २७ बर्षीय एमामुल हक देवान र सोही ट्यांकरमा सवार सोही स्थानका २४ बर्षीय मोहरवान अन्सारीलाई पक्राउ गरेको छ ।

पक्राउ परेका २ जना र सवारी सहित सार्वजनिक गरेको छ ।

त्यस्तै इलाका प्रहरी कार्यालय मनहरीका प्रहरी निरीक्षक श्रीशंकर श्रेष्ठको प्रहरी टोलीले मनहरी गाउापालिका वडा नम्बर ६, लोथर खोलाको गोरेटोबाट ७० केजी लागूऔषध गाँजा सहित १ जनालाई पक्राऊ गरेको छ । प्रहरीले चितवन जिल्ला, राप्ति नगरपालिका वडा नम्बर ११ बस्ने ३५ बर्षका शिव तामाङलाई सो परिमाणको लागूऔषध गाँजासहित पक्राउ गरेको छ ।

पक्राऊ परेका उपर लागूऔषध नियन्त्रण ऐन २०३३ बमोजिम २ देखि १० बर्षसम्म कैद, १५ हजार देखि १ लाख रुपैयाँसम्म जरिवाना र लागूऔषध ओसारपुारमा प्रयोग भएको सवारी जफत हुने कानूनी प्रावधान रहेको प्रहरीले जनाएको छ ।