दूध दिवसको अवसरमा क्वारेन्टाइन बस्नेलाई दुध सहयोग

मकवानपुर । २० औँ अन्तराष्ट्रिय तथा १० औँ राष्ट्रिय दूध दिवसको अवसरमा रौतहटको एक क्वारेन्टाइनलाई ४० लिटर दूध वितरण्न गरिएको छ । दिवसको अवसरमा रौतहटको चन्द्रपुर नगरपालिका–६ स्व.शेर बहादुर दर्लामी स्मृति खेल मैदानमा रहेको एन्फा महिला एकेडेमीको भवनमा रहेको क्वारेन्टाइनमा ४० लिटर दूध वितरण गरिएको हो ।

नेपाल डेरी एसोसियसन प्रदेश नम्बर २ का प्रदेश सहायक तथा शंकर डेरी उद्योगका संचालक नवीन चौरसियाले दूध वितरण गरेका हुन् । उनले क्वारेन्टाइनको व्यवस्थापनमा खटिएका जिल्ला फुटबल संघ रौतहटका अध्यक्ष भगवान दर्लामीलाई दुध हस्तान्तरण गरेका हुन् ।

क्वारेन्टाइनमा रहेका व्यक्तिहरुको स्वास्थ्य अव्सथालाई मध्येनजर गर्दै दर्लामीले दुध वितरण गरेको बताए । क्वारेन्टाइनमा हाल ५५ जना रहेका छन् । ५५ जना मध्ये ७ जना कोरोना संक्रमित रहेका छन् ।

यो समाचार रौतहटका संचारकर्मी अनमोल कार्कीको सहयोगमा तयार पारिएको हो ।