नेपाल स्काउटद्वारा हेटौंडामा हेन्ड वास स्टेसन  सञ्चालन 

नेपाल स्काउट प्रधान कार्यालय काठमाडौको सहयोगमा हेटौंडा ओपन स्काउट  क्रियूको पहलमा हेटौंडामा  कोभिड १९ कोरोना भाइरसको  संक्रमण फैलन  नदिन  हेन्ड वास स्टेसन  सञ्चालन गरेको छ ।  

कोरोना भाइरसबारे विश्वकै ध्यान तानिएको छ । चीनको हुवानबाट सुरु भएको यो भाइरसबाट बच्न पछिल्लो समय  मुलुकमा उच्च शतर्कता अपनाइएको छ । कोरोना भाइरसका पहिलो बिरामी २०१९ को डिसेम्बर अन्त्यतिर वुहानमा भेटिएको थियो । कारोना भाईरस विश्वका विभिन्न मुलुकहरुमा फैलिदैँ गएको छ ।

नेपालमा पनि भाईरस  फैलन नदिन नेपाल सरकारले विभिन्त्र कार्यक्रम गरिरहेको समयमा  आज नेपाल स्काउटले  हेटौंडा बजारमा नि शुल्क माक्स  समेत वितरण  गरेको थियो ।  मकवानपुर जिल्लामा समुदायबाट संचालित हेटौंडा ओपन स्काउट क्रियूका रोभर लिडर दिपेन्द्र रोक्काले हात धुन सिकाएर कार्यक्रमको शुभारम्भ गर्नु भएको थियो ।

मकवानपुर जिल्लामा विपद व्यवस्थापन, नेतृत्व विकाश, सीपमुलक तालिम , प्राथमिक उपचार ,  फ्रेण्डसीप क्याम्प तथा विभिन्न सेवामुलक शिविर संचालन गर्दे आएको क्रियूले यस  कार्यक्रमलाई आगामी एक साता सम्म नगरका पाच स्थान संचालन गर्ने क्यूका अध्यक्ष बुद्दिनाथ न्यौपानेले बताए । हेटौंडा बसपार्कमा गरेको कार्यक्रमले कोभिड १९ कोरोना भाइरसको  संक्रमण फैलन  नदिन  प्रभावकारी भएको  जाईएको छ ।