मकवानपुरको भिमफेदीमा चट्याङ लागेर एकको मृत्यु, एक घाईते 

मकवानपुरको भिमफेदी गाँउपालिका–९ मा चट्याङ लागेर १ जनाको मृत्यु  भएको छ भने एकजना घाईते भएका छन् ।  चट्याङ लागेर भिमफेदी–९ च्याउखोला बस्ने २३ बर्षीय विजय स्याङ्तानको मृत्यु भएको जिल्ला प्रहरी कार्यालय मकवानपुरका प्रहरी प्रवक्ता प्रहरी नायब उपरीक्षक टिका बहादुर कार्कीले जनाएको छ । 

चट्याङ लागेर घाईते भएका स्याङतानको उपचारको क्रममा हेटौडा अस्पतालमा मृत्यु भएको प्रहरीले जनाएको छ ।त्यसैगरी घाइते भएकी निजको श्रीमती २२ वर्षीया सविता स्याङ्तानको हेटौंडा अस्पतालमा उपचार भइरहेको जिल्ला प्रहरी कार्यालय मकवानपुरले जनाएको छ ।