दोस्रो बकैया कप फुटबल प्रतियोगिता भोलीबाट सुरु

मकवानपुरको बकैया गाउँपालिकामा दोस्रो बकैया कप फुटबल प्रतियोगिता सुरु हुने भएको छ । गाउँपालिकाको सहयोग एवम् गाउँ खेलकुद समन्वय समिति बकैयाको आयोजनामा भोली बुधबारबाट हुने भएको हो ।

बकैया गाउँपालिका –४ स्थित जुरेली खेलकुद मैदानमा हुने प्रतियोगितामा १२ वटा टिमको सहभागी रहने छ । प्रतियोगिताको विजेताले नगद १ लाख र उपविजेताले ५० हजार रुपैयाँसहित ट्रफी र प्रमाणपत्र प्राप्त गर्ने योजकले जनाइएको छ ।

त्यस्तैगरी विधागत उत्कृष्ट खेलाडीले नगद ५÷५ हजारसहित ट्रफी प्राप्त गर्नेछन् भने हरेक खेलको म्यान अफ दी म्याचलाई एक हजारसहित ट्रफी प्रदान गरिनेछ ।