नेकपा क्रान्तिकारी माओवादीका उपाध्यक्ष गजुरेल पक्राउ

नेकपा (क्रान्तिकारी माओवादी) का उपाध्यक्ष सीपी गजुरेललाई प्रहरीले पक्राउ गरेको छ । रक्षामन्त्रीलाई ज्ञापन पत्र बुझाउन भनी सिंहदरबार प्रवेश गर्न लागेका गजुरेलसहित क्रान्तिकारी माओवादी कार्यकर्तालाई प्रहरीले सिंहदरबारको दक्षिण गेटबाट पक्राउ गरेको हो ।

सीमासम्बन्धी विषयमा उपप्रधानमन्त्री तथा रक्षामन्त्री ईश्वर पोखरेललाई ज्ञापनपत्र बुझाउन ठुलो समुह सिंहदरबार प्रवेश गर्न लागेपछि उनीहरुलाई रोकिएको प्रहरीले जनाएको छ । 

त्यस क्रममा ढु‌ंगामुढा हुँदा २ जना प्रहरीसमेत घाइते भएको महानगरीय प्रहरी कार्यालयका प्रमुख डीआईजी विश्वराज पोखरेलले गजुरेल बताएका छन् । पोखरेलले भने, ‘घाइते प्रहरी निरीक्षक वेद पौडेल र असई मानबहादुर तामाङको उपचार भइरहेको छ । घटनास्थलबाट प्रहरीको दुई मोबाइल पनि हराएको छ ।’ घटनापछि प्रहरीले गजुरेलसहित १० भन्दा धेरैलाई पक्राउ गरेको छ ।