अवैध लागूऔषध कोकिन सहित ४ विदेशी पक्राउ

अवैध लागूऔषध  ६ केजी कोकिनसहित प्रहरीले  ४ जना विदेशी नागरिकलाई पक्राउ गरेको छ । पक्राउ पर्नेमा राहदानी नम्बर एबी २७१२०६० भएको २१ वर्षका बेलारुसी नागरिक पाभेल भेसिलयू र राहदानी नम्बर केएच २४६४४२६ वाहक वर्ष २१ की एलिना एल्डोसाइना रहेका छन् ।

पाभेल र एलिना काठमाडौंबाट हङकङ जान लागेको समयमा त्रिभुवन अन्तर्राष्ट्रिय विमानस्थलबाट पक्राउ परेका हुन् । विमानस्थलमा पक्राउ परेका पाभेल र एलिनाको बयानका आधारमा प्रहरीले वोलिभियन नागरिक रोबर्टो कार्लोस मेरुविया मेरिइस र राउल जम्ब्राना ओर्डोनेजलाई काठमाडौंको लाजिम्पाटस्थित लस्ट गार्डेन होटलबाट पक्राउ गरेका हुन् । 

विमानस्थलको प्रस्थान कक्षमा पाभेल र एलिनाको सुटकेश चेकजाँच गर्ने क्रममा दुवै जनाको सुटकेशमा रहेको ४/४ वटा ज्याकेटमा फल्स बटम बनाइ लैजान लागेको अवस्थमा ६ केजी कोकिन बरामद भएको डीआइजी दिनेश अमात्यले जानकारी दिए ।

शनिबार पक्राउ परेका चारै जनालाई लागूऔषध नियन्त्रण ऐन बमोजिम मुद्धा दर्ता गरी आवश्यक अनुसन्धान भइरहेको प्रहरीले जनाएको छ ।