हुम्लामा टिपर दुर्घटना हुँदा २ को मृत्यु, २ घाइते

हुम्लाको पानी पाल्वाङ्गमा टिपर दुर्घटना हुँदा दुई जनाको मृत्यु भएको छ । जिल्लाको नाम्खा गाउँपालिका–५ को पानी पाल्वाङ्गमा हिल्सा नाकाबाट याल्वाङ्ग आउँदै गरेको बा ५ खा ५३४४ नम्बरको टिपर दुर्घटना भएको जिल्ला प्रहरी कार्यालय हुम्लाले जानएकोे छ ।

दुर्घटनामा दुई जनाको मृत्यु भएको छ भने दुई जना घाइते भएका छन् । मृत्यु हुनेहरूको सनाखत भइ नसकेको प्रहरीको भनाइ छ ।

घटना स्थलमा प्रहरी पुगिसकेको तर मौसमका कारण सञ्चारले काम नगरेकोले विस्तृत जानकारी नआएको प्रहरीको भनाइ छ ।

हुम्लामा यसअघि पनि टिपर दुर्घटना भएको थियो जसमा ४ जनाको मृत्यु भएको थियो ।