मैत्रीपूर्ण फूटसलमा पहिलो समाचार बिजयी

आज हेटौंडामा भएको मैत्रीपूर्ण फूटसलमा पहिलो समाचार डटकम समूह विजयी भएको छ । पत्रकार महिलाहरुबीच भएको खेलमा प्रतिपक्षी लाल खबर डटकमलाई २–१ गोल अन्तरले पराजित गर्दै पहिलो समाचार टिम विजयी भएको हो । पहिलो समाचार टिमको तर्फबाट नानीमायाँ सापकोटा र सम्झना घिमिरेले समान १र१ गोल गरेका थिए । त्यस्तै, लालखबर डटकमको तर्फबाट मानवी बानियाँले सान्त्वना गोल फर्काइन् । सामुदायिक संचार समुहद्वारा सञ्चालित सामुदायिक रेडियो सन्देश १०६.९ मेगाहर्जको प्रथम वार्षिकोत्सवको अवसरमा जिल्ला स्तरीय मिडिया कप फूटसल प्रतियोगिता आयोजना भएको हो । खेलमा जिल्लास्थित विभिन्न सञ्चार गृहमा कार्यरत पत्रकार महिलाहरु सहभागी थिए ।